XOCALI FACİƏSİ NAXÇIVAN RƏSSAMLARININ GÖZÜ İLƏ
Naxçıvan, 24 fevral (AZƏRTAC). Xocalı faciəsinin 18-ci ildönümü ilə əlaqədar Naxçıvan Muxtar Respublikası (MR) Rəssamlar Birliyinin Bəhruz Kəngərli adına sərgi salonunda sərgi təşkil olunmuşdur.
Naxçıvan MR Rəssamlar Birliyinin sədri, xalq rəssamı Hüseynqulu Əliyev çıxış edərək bildirmişdir ki, bu faciə erməni daşnaqlarının Azərbaycan xalqına qarşı həyata keçirdiyi soyqırım siyasətinin nəticəsi idi. Qeyd olunmuşdur ki, Xocalı faciəsi hüquqi-siyasi qiymətini yalnız ulu öndər Heydər Əliyev ikinci dəfə siyasi hakimiyyətə qayıtdıqdan sonra almışdır. Ümummilli liderin təşəbbüsü ilə 1994-cü il fevralın 24-də Milli Məclisdə geniş müzakirələr keçirilmiş və hər il fevralın 26-da Xocalı soyqırımı günü kimi qeyd edilməsi qərara alınmışdır.
Sonra sərgiyə baxış olmuşdur. Sərgidə 30-a yaxın yerli rəssamın faciə ilə bağlı 70-dən çox əsəri nümayiş etdirilir.
Bölmənin digər xəbərləri
