“XOCALI SOYQIRIMI: MİLYON İMZA, BİR İSTƏK” KİTABI FARS DİLİNƏ TƏRCÜMƏ EDİLMİŞDİR
Tehran, 24 fevral (AZƏRTAC). Elxan Suleymanovun “Xocalı soyqırımı: milyon imza, bir istək ” sənədli-tarixi kitabı fars dilinə tərcümə edilmişdir.
Azərbaycan Respublikası Dövlət Neft Şirkətinin təşəbbüsü və maliyyə dəstəyi ilə farsdilli oxuculara təqdim olunan kitabın birinci nəşri 2000 nüsxə tirajla çap olunmuşdur. Kitabda 1992-ci il fevralın 25-dən 26-na keçən gecə erməni vandallarının Azərbaycanın Xocalı şəhərində törətdikləri misli görünməmiş vəhşilikdən - hərbi cinayətdən, 200 ilə yaxın dövrü əhatə edən erməni terrorizminin tarixindən bəhs edilir. Xocalı soyqırımını əks etdirən fotoşəkillər, “Xocalıya ədalət” kampaniyası çərçivəsində toplanmış imzaların surətləri, soyqırım faktını təsdiq edən sənədlər kitibda yer almışdır.
Kitab Səid Bağıri tərəfindən fars dilinə tərcümə olunmuşdur.
Sabir Şahtaxtı
AZƏRTAC-ın xüsusi müxbiri
Tehran
Bölmənin digər xəbərləri
