Xocalıda dinc əhaliyə qarşı qadağan olunmuş silahlardan istifadə edilib
Bakı, 22 fevral, AZƏRTAC
Azərbaycan Milli Elmlər Akademiyasının (AMEA) Fizika İnstitutunda Xocalı soyqırımının 25-ci ildönümü ilə bağlı tədbir keçirilib.
İnstitutdan AZƏRTAC-a bildiriblər ki, tədbirdə bu elm müəssisəsinin direktoru, AMEA-nın müxbir üzvü Nazim Məmmədov Xocalıda faciəsinin Azərbaycan tarixinin ən dəhşətli səhifələrindən biri olduğunu söyləyib.
Qeyd olunub ki, Xocalı soyqırımı Azərbaycan xalqına qarşı törədilmiş ən böyük qətliamdır. 1992-ci il fevralın 25-dən 26-na keçən gecə erməni silahlı dəstələri Xankəndidə yerləşdirilmiş 366 motoatıcı alayının zirehli texnikası ilə Xocalı şəhərinə hücum ediblər. Xocalı hadisələrinin şahidlərinin sözlərinə görə, ermənilər dinc əhaliyə qarşı qadağan olunmuş silahlardan istifadə ediblər.
Digər çıxış edənlər də Xocalı şəhərində törədilən vəhşiliklər haqqında söz açıblar.
Sonda Xocalı soyqırımı haqqında sənədli film nümayiş olunub.
Bölmənin digər xəbərləri
