Yalnız Qərblilər, yoxsa bütün insanlar qərar qəbul edərkən daha çox özlərinə güvənirlər? – ARAŞDIRMA
Bakı, 13 avqust, AZƏRTAC
Mürəkkəb qərarlar qəbul edilərkən insanlar öz düşüncələrinə üstünlük verirlər. Bu, 12 ölkədən olan 3 min 500-dən çox insan üzərində aparılan beynəlxalq tədqiqat zamanı məlum olub.
AZƏRTAC “Science Daily” saytına istinadla xəbər verir ki, Vaterloo Universitetinin rəhbərlik etdiyi araşdırma uzun müddətdir mövcud olan “Yalnız Qərblilər özlərinə güvənirlər” inancını şübhə altına alıb. Nəticələrə görə, təkbaşına qərar vermək bütün insanların ümumi vərdişidir.
Professor İqor Qrosmann isə bildirib ki, ən müdrik qərarlar şəxsi düşüncələrin başqaları ilə paylaşılması nəticəsində yaranır.
Qırxa yaxın alim tərəfindən aparılan araşdırmanın nəticəsi “Royal Society B: Biological Sciences” jurnalında dərc olunub.
Bölmənin digər xəbərləri
