Yanvarda Azərbaycanda 4280 cütlük nikaha daxil olub
Bakı, 25 mart, AZƏRTAC
Ədliyyə Nazirliyinin rayon (şəhər) qeydiyyat şöbələri tərəfindən cari ilin ilk ayında 4280 nikah və 1399 boşanma halları qeydə alınıb. Əhalinin hər 1000 nəfərinə nikahların sayı 5,1, boşanmaların sayı isə 1,7 olub.
Bu barədə AZƏRTAC-a Dövlət Statistika Komitəsindən məlumat verilib.
Məlumatda, həmçinin bildirilib ki, yanvarda Daxili İşlər Nazirliyi və Dövlət Miqrasiya Xidmətinin müvafiq qurumları tərəfindən daimi yaşamaq üçün Azərbaycana 135 nəfər gələn, ölkədən isə 107 nəfər gedən qeydə alınıb. Ölkə üzrə miqrasiya saldosu müsbət 28 nəfər təşkil edib.
Bölmənin digər xəbərləri
