Yanvarın 20-də polis gücləndirilmiş iş rejimində işləyəcəkdir
Bakı, 19 yanvar (AZƏRTAC). Yanvarın 20-də respublikanın daxili işlər orqanları gücləndirilmiş iş rejimində işləyəcəkdir.
Daxili İşlər Nazirliyinin mətbuat xidmətindən AZƏRTAC-a bildirmişlər ki, 20 Yanvar faciəsinin 21-ci ildönümü ilə əlaqədar nazirlikdə xüsusi tədbirlər planı hazırlanmışdır. Daxili işlər naziri, general-polkovnik Ramil Usubovun imzaladığı tədbirlər planına əsasən, yanvarın 20-də ölkənin daxili işlər orqanları gücləndirilmiş iş rejimində fəaliyyət göstərəcəkdir.
20 Yanvar faciəsinin ildönümünün qeyd olunması ilə əlaqədar Şəhidlər xiyabanına ziyarətə gələn vətəndaşlarımızın sərbəst və maneəsiz hərəkət etmələri, eləcə də onların təhlükəsizliyinin təmin edilməsi üçün polis əməkdaşları öz qüvvələrini səfərbər edəcəkdir.
Bölmənin digər xəbərləri
