YUNAN-ROMA GÜLƏŞİ ÜZRƏ “NEFTÇİ” İSM-NİN AÇIQ BİRİNCİLİYİ KEÇİRİLMİŞDİR
AZƏRTAC xəbər verir ki, Mingəçevir şəhərində yunan-Roma güləşi üzrə “Neftçi” İdman-Sağlamlıq Mərkəzinin açıq birinciliyi keçirilmişdir. Üç gün davam edən yarışlarda Bakı, Sumqayıt, Mingəçevir, Göyçay və Əli Bayramlıdan 64 gənc pəhləvan 8 çəki dərəcəsində gücünü sınamışdır.
Komanda hesabında 4 qızıl, 3 gümüş və 5 bürünc medal qazanan paytaxt təmsilçiləri birinci yeri tutmuşlar. Mingəçevir güləşçiləri 4 qızıl, 2 gümüş medalla ikinci, Əli Bayramlı idmançıları isə 2 gümüş və bir bürünc medalla üçüncü yeri tutmuşlar.
Qaliblər diplom və mükafatlarla təltif olunmuşlar.
Bölmənin digər xəbərləri
