YUNANISTAN OLİMPİYA KOMANDASININ ÜZVÜ EYVANDAN YIXILMIŞDIR

07.08.2004 [22:07]
Çap et
A⁺ A^-

AZƏRTAC-ın xarici informasiya agentliklərindən aldığı xəbərə görə, Yunanıstanın yığma olimpiya komandasının üzvü cüdoçu Yelena İoannu avqustun 7-də üçüncü mərtəbədəki mənzilinin eyvanından yıxılaraq, ağır zədələnmişdir.

Qonşuların dediyinə görə, 20 yaşlı idmançının başına gələn bu hadisəyə oğlan dostu bais olmuşdur, onlar bir qədər əvvəl möhkəm dilləşmişlər. Hadisə gecə yarısı baş vermişdir. Hazırda Yelena xəstəxanadadır. Onun Olimpiadada çıxış edəcəyi şübhə altındadır.

78 kq çəki dərəcəsində çıxış edən İoannu elə həmin gün səhər Olimpiya kəndinə getməyi planlaşdırmışdı.

Polis təhqiqat aparır.