“Zirvə Astara” doğma meydanda “Olimpik Şəki”ni məğlub edib
Bakı, 8 yanvar, AZƏRTAC
Azərbaycan Basketbol Liqasında (ABL) 12-ci tura yekun vurulub.
Azərbaycan Basketbol Federasiyasından AZƏRTAC-a bildiriblər ki, turun sonuncu matçı Astara Olimpiya İdman Kompleksində keçirilib.
“Zirvə Astara” komandası doğma meydanda “Olimpik Şəki” basketbolçularını qəbul edib.
Oyun meydan sahiblərinin 85:80 hesablı qələbəsi ilə yekunlaşıb.
Qarşılaşmanın ən məhsuldar basketbolçuları “Zirvə Astara”dan Ruşard Kruikşenk (30 xal, 9 ribaund), “Olimpik Şəki”dən isə Ceyson Brauer (23 xal, 6 ribaund) olublar.
Qeyd edək ki, ABL-də 13-cü turun oyunları yanvarın 11-də və 14-15-də keçiriləcək.
Bölmənin digər xəbərləri
