20 Yanvar gününü qəhrəmanlıq rəmzi kimi xatırlamalıyıq
Bakı, 20 yanvar (AZƏRTAC). 20 Yanvar hadisələri xalqımızın qan yaddaşına həkk olunmuş azadlıq mübarizəsidir. Həmin gün sovet imperiyası xalqımızın müstəqillik və azadlıq uğrunda mübarizə əzmini qırmaq üçün onlara qarşı misli görünməmiş qətliam törətsə də, haqq səsimizi boğa bilməmişdir. Mərd mübarizlərimizin ruhunu yad etmək üçün gənc ailəsi ilə birlikdə Şəhidlər xiyabanına gələn Vüqar Süleymanov AZƏRTAC-a bildirmişdir ki, 20 Yanvar qırğını nə qədər acı bir faciə olsa da, bu günü qəhrəmanlıq rəmzi kimi xatırlamalıyıq. Xalqımızın azadlıq uğrunda mübarizəsinin sarsılmaz olduğunu burada uyuyan qəhrəmanlarımız bir daha sübut etmişlər. Həmin hadisələrdə şəhid olanlar bizim bacı-qardaşlarımızdır. Onların əziz xatirəsini anmaq isə hər bir azərbaycanlının vətəndaşlıq borcudur.
Bölmənin digər xəbərləri
