“Ən yaxşı mühəndis-istehkam bölüyü” adı uğrunda yarış keçirilir VİDEO
Bakı, 4 aprel, AZƏRTAC
Cari ilin döyüş hazırlığı planına əsasən, Azərbaycan Ordusunun N hərbi hissəsində “Ən yaxşı mühəndis-istehkam bölüyü” adı uğrunda yarış keçirilir.
Müdafiə Nazirliyinin mətbuat xidmətindən AZƏRTAC-a bildirilib ki, təsdiq olunan plana uyğun olaraq keçirilən yarışda hərbi qulluqçuların mühəndis qoşunlarının silahlandırma vasitələri və qoşun xidməti üzrə nəzəri, eləcə də fərdi şəkildə ixtisas bilikləri yoxlanılır.
Daha sonra istehkamçılar xüsusi təchiz edilmiş təlim meydançasında mina sahələrinin qurulması, keçidlərin açılması, minaaxtaranlar vasitəsilə mina və partlamamış döyüş sursatlarının aşkar edilərək zərərsizləşdirilməsi, eləcə də mühəndis-istehkam təminatı üzrə digər tapşırıqları yerinə yetirirlər.
Qeyd edək ki, yekun nəticələrə əsasən "Ən yaxşı mühəndis-istehkam bölüyü" adına layiq görülən bölmə Quru Qoşunları üzrə keçiriləcək yarışda iştirak edəcək.
Bölmənin digər xəbərləri
