REGİONLAR


Sumqayıtlılar Çinin Siana şəhərinə tibbi ləvazimatlar göndəriblər

Sumqayıt, 12 fevral, Ətrabə Rzayeva, AZƏRTAC

Çində yayılan yeni tip koronavirus epidemiyası getdikcə daha çox ərazini əhatə edir, qarşısının alınmasında ciddi çətinliklər yaşanır. Bunu nəzərə alan sumqayıtlılar dostluq və əməkdaşlıq əlaqələri olan Çin Xalq Respublikasının Sian şəhərinə tibbi ləvazimatlar göndəriblər.

Sumqayıt Şəhər İcra Hakimiyyətindən AZƏRTAC–a bildirilib ki, fevralın 12-də Çin Xalq Respublikasının Sian şəhərinə 40 min ədəd tibbi maska, 50 min ədəd steril əlcək, 50 min ədəd 100 millilitrlik qabda spirt göndərilib.

Qeyd edək ki, sumqayıtlılar bir neçə gün öncə dostluq və əməkdaşlıq əlaqələri olan Çinin Mienyen şəhərinə də tibbi yardım etmişdilər.

Yeni növ koronavirus ilk olaraq Çinin Uxan şәhәrindә yayılmağa başlayıb. Bu günə olan məlumata görə, Çindә yeni növ koronavirus epidemiyası sәbәbindәn ölənlərin sayı 1114 nәfәrә çatıb. Bu barәdә Çinin Milli Səhiyyə Komissiyasından bildirilib. Qeyd olunub ki, virusa yoluxanların sayı 44 min 653 nәfәrә çatıb. Bunlardan 8 min 204-nün vəziyyəti kirtikdir.

© Materiallardan istifadə edərkən hiperlinklə istinad olunmalıdır
Mətndə səhv varsa, onu qeyd edib ctrl + enter düyməsini basaraq bizə göndərin

MÜƏLLİFLƏ ƏLAQƏ

* işarəsinin olunduğu yerləri doldurun.

Zəhmət olmasa, yuxarıdakı şəkildə göstərilən hərfləri daxil edin.
Hərflərin böyük və ya balaca olmasının fərqi yoxdur.