ABŞ TÜRKİYƏ-YUNANISTAN RAZILAŞMASINI BƏYƏNİR

25.12.2003 [11:10]
Çap et
A⁺ A^-

AZƏRTAC-ın xüsusi müxbiri Vaşinqtondan xəbər verir ki, Dövlət Departamentinin mətbuat katibi Riçard Bauçer dekabrın 24-də yaydığı bəyanatla Birləşmiş Ştatlar adından Türkiyə və Yunanıstan hökumətlərini qaz kəmərinə dair Ankarada imzalanan razılaşma ilə bağlı təbrik etmişdir. Səfir Bauçer Azərbaycandan Yunanıstana təbii qaz nəql edəcək bu kəməri Şərq-Qərb enerji dəhlizinin əhəmiyyətli hissəsi adlandırmışdır.

Bəyanatda bildirilir ki, 2006-cı ildən başlayaraq, Azərbaycandan Türkiyə ərazisi ilə Yunanıstana ildə 500 milyon kubmetr qaz çatdırılacaqdır. Layihənin ikinci mərhələsində isə Türkiyə, Yunanıstan və Avropaya ildə 11 milyard kubmetrədək təbii qazın nəqli planlaşdırılır. Riçard Bauçer vurğulamışdır ki, Türkiyə-Yunanıstan kəməri iki ölkə arasında əhəmiyyətli iqtisadi əlaqə olmaqla yanaşı, Yunanıstanı yeni təbii qaz mənbəyi ilə təmin edəcəkdir. Buradan isə, gələcəkdə Xəzər hövzəsinin nəhəng enerji resursları Avropaya və dünya bazarlarına ixrac olunacaqdır.

ABŞ TÜRKİYƏ-YUNANISTAN RAZILAŞMASINI BƏYƏNİR

MÜƏLLİFLƏ ƏLAQƏ

Bölmənin digər xəbərləri