ADİU-nun tələbəsi birinci raundda rəqibini məğlub edib
Bakı, 22 fevral, AZƏRTAC
Azərbaycan Dövlət İqtisad Universitetinin (ADİU) iqtisadiyyat və sənaye fakültəsinin üçüncü kurs tələbəsi Ümid Məmmədzadə Ukraynanın Lutsk şəhərində qaydasız döyüşün MMA növü üzrə təşkil edilən reytinq yarışının qalib olub.
Universitetdən AZƏRTAC-a bildiriblər ki, birinci raundda rəqibini məğlub edən idmançı apreldə qaydasız döyüşün eyni növü üzrə Odessada keçiriləcək professional reytinq döyüşlərinə vəsiqə qazanıb.
Ü.Məmmədzadə kikboksinq və qarışıq döyüş növləri üzrə respublika çempionu, Qafqaz çempionu, uşu-sanda üzrə dünya çempionu, qaydasız döyüş üzrə 3 peşəkar döyüşün qalibi, kikboksinqin WAKO versiyası üzrə Avropa birinciliyinin bürünc mükafatçısı və uşu-sanda üzrə idman ustasıdır.
Bölmənin digər xəbərləri
