AFFA 2024-cü ildə idman qurğularına 2 milyon manatdan çox vəsait ayırıb
Bakı, 11 aprel, AZƏRTAC
Ötən il AFFA-nın balansında olan idman qurğularına ayrılan vəsait məlum olub.
AZƏRTAC xəbər verir ki, bu barədə qurumun Hesabat Konfransında məlumat verilib.
Milli assossiasiya idman obyektlərinə ümumilikdə 2 milyon 445 min 433 manat xərcləyib.
“Dalğa Arena”ya 1 milyon 9 min 231, Bakı Olimpiya Stadionuna 396 min, “ASCO Arena” 321 min 312, Milli Komandaların Məşq Mərkəzinə 276 min 996, Şamaxı stadionuna 184 min 906, təhsil və reabilitasiya mərkəzinə 87 min 759, Binə stadionuna 75 min 534, Ağsu stadionuna 44 min 344, “Neftçi Arena”ya 37 min 524, Mingəçevir şəhər stadionuna 11 min 827 manat xərclənib.
Bölmənin digər xəbərləri
