Agentlik: Bu günə qədər 100 minə yaxın uşağın birinci sinfə qəbulu prosesi tamamlanıb
Bakı, 8 may, AZƏRTAC
2025–2026-cı tədris ili üzrə I sinfə qəbul prosesi davam edir.
Məktəbəqədər və Ümumi Təhsil üzrə Dövlət Agentliyindən AZƏRTAC-a bildirilib ki, bu günə qədər 100 minə yaxın uşağın birinci sinfə qəbulu prosesi tamamlanıb.
Valideynlər www.mektebeqebul.edu.az portalı vasitəsilə elektron şəkildə seçimlərini edə bilərlər.
Xatırladaq ki, mayın 6-dan etibarən Azərbaycan bölməsi üzrə məktəb və müəllim seçimi mərhələsinə start verilib. Qəbul prosesi 12 sentyabr 2025-ci il tarixinədək davam edəcək.
İnternetə çıxış imkanı olmayan vətəndaşlar isə aidiyyəti üzrə:
– Alternativ qeydiyyat mərkəzlərinə
– Agentliyin və təhsili yerli idarəetmə bölmələrinin çağrı mərkəzlərinə
– “ASAN xidmət” mərkəzlərinə müraciət edə bilərlər.
Valideynlərə qeydiyyat, seçim və müsahibə mərhələlərini vaxtında izləmələri tövsiyə olunur.
Bölmənin digər xəbərləri
