Ağstafada meşə sahələri genişləndirilir
Ağstafa, 22 aprel (AZƏRTAC). Ağstafa meşə mühafizəsi və bərpası müəssisəsinin kollektivi 95 kiloqramdan artıq toxum tədarük edərək 0,5 hektar sahədə yeni tinglik salıblar.
Müəssisədən AZƏRTAC-a bildirmişlər ki, meşəçilər cari ildə 70 hektar sahədə yeni meşə salmağı planlaşdırırlar. Onlar yazda 20 hektar sahədə meşə salıblar. Yeni salınan meşədə akasiya, göynüc, qovaq, iydə və digər ağac növləri üstünlük təşkil edir.
Müəssisədə qanunsuz ağac kəsənlərə qarşı mübarizə tədbirləri də gücləndirilmişdir. Qanunsuz ağac kəsənlərə qarşı altı akt tərtib olunaraq 2 min 864 manat məbləğində cərimənin ödənilməsi üçün məhkəməyə göndərilmişdir.
Bölmənin digər xəbərləri
