Ağstafada Xocalı soyqırımının 19-cu ildönümü ilə bağlı silsilə tədbirlər keçirilir
Ağstafa, 26 fevral (AZƏRTAC). Ağstafada Xocalı soyqırımının 19-cu ildönümü ilə əlaqədər rayon məktəbliləri, xalq teatrının kollektivi soyqırımına həsr olunmuş ədəbi-bədii kompozisiya nümayiş etdirmişlər.
Bundan əlavə, rayonun idarə, müəssisə və təşkilatlarında, inzibati ərazi dairələrində Xocalı soyqırımına həsr olunmuş anma mərasimləri keçirilmişdir. Rayonun mədəniyyət müəssisələrində, ümumtəhsil və orta ixtisas məktəblərində Xocalı soyqırımına həsr olunmuş xatirə gecələri, foto-rəsm sərgiləri təşkil edilmiş, azadlıq uğrunda mübarizəyə həsr olunmuş sənədli və bədii filmlər göstərilmişdir.
Fevralın 26-da isə rayonun bütün təhsil müəssisələrində ilk dərslər Xocalı soyqırımına həsr olunmuşdur.
Bölmənin digər xəbərləri
