Alimlər əkiz doğulan uşaqların sayında artım müşahidə ediblər
Bakı, 20 iyul, AZƏRTAC
Alimlər müəyyən ediblər ki, dünya statistikasında əkiz doğulan uşaqların sayı ötən əsrə nisbətən 30 faiz artıb.
AZƏRTAC İsveçin Karolinska İnstitutunda aparılan tədqiqata istinadla xəbər verir ki, alimlər bu artımın başlıca səbəbi olaraq süni mayalanmanı göstəriblər.
Tədqiqatçıların fikrincə, bu hal ona görə baş verir ki, həkimlər süni mayalanma zamanı hamiləlik şansını artırmaq üçün ana bətninə bir neçə embrion yerləşdirirlər. Bətnə yerləşdirilən embrionların çox olması əkiz uşaq dünyaya gəlməsi ehtimalını 20 dəfəyədək artırır. Digər bir səbəb isə müasir dövrdə gənc ailələrin nisbətən gec uşaq dünyaya gətirməsi ilə bağlıdır, belə ki, yaş artdıqca əkiz uşaq dünyaya gəlməsi ehtimalı da artır.
Bölmənin digər xəbərləri
