Almaniyada 28 May - Respublika Günü qeyd olunacaqdır
Bakı, 23 may (AZƏRTAC). Diasporla İş üzrə Dövlət Komitəsindən AZƏRTAC-a bildirmişlər ki, Almaniyanın Maqdeburq şəhərində 28 May - Respublika Günü münasibətilə tədbir keçiriləcəkdir.
Alman-Azərbaycan Mədəniyyət Cəmiyyətinin təşkilatçılığı və ölkəmizin Almaniyadakı səfirliyinin, Diasporla İş üzrə Dövlət Komitəsinin, Almaniyadakı Azərbaycanlıların Koordinasiya Mərkəzinin dəstəyi ilə mayın 28-də keçiriləcək tədbirə Saksen-Anhalt vilayətində fəaliyyət göstərən dünyanın 34 ölkəsinin cəmiyyətlərinin nümayəndələri dəvət olunmuşlar.
Almaniyanın “Saksen-Anhalt” gəmisində keçiriləcək tədbirdə Saksen-Anhalt vilayəti üzrə Xaricilər İttifaqının prezidenti Kristof Blau, Mişel Marguardt, Dr. Marina Langner, Dr. Rulf Kunş və digər rəsmilər də iştirak edəcəklər.
Bölmənin digər xəbərləri
