Almaniyada yaşayan azərbaycanlılar Milli Qurtuluş Gününü qeyd edəcəklər
Bakı, 14 iyun (AZƏRTAC). Almaniyanın Drezden şəhərində “Alm.az” Azərbaycan Cəmiyyətinin təşəbbüsü ilə iyunun 15-də Azərbaycanın rəsmi bayramı - Milli Qurtuluş Günü münasibətilə tədbir keçiriləcəkdir.
Azərbaycanlılarla yanaşı türk, alman, yəhudi, rus cəmiyyətlərinin nümayəndələrinin də iştirak edəcəyi tədbirdə “Alm.az” Azərbaycan Cəmiyyətinin sədri Ağahüseyn Babayev Azərbaycan xalqının ümummilli lideri Heydər Əliyevin keçdiyi ömür yolu və ictimai-siyasi fəaliyyəti barədə geniş məlumat verəcəkdir.
Diasporla İş üzrə Dövlət Komitəsindən AZƏRTAC-a bildirmişlər ki, tədbirdə ümummilli lider Heydər Əliyev haqqında film nümayiş etdiriləcəkdir.
Bölmənin digər xəbərləri
