Almaniyandakı Azərbaycan diasporu Maqdeburq şəhərində etiraz aksiyası keçirmişdir
Bakı, 24 mart (AZƏRTAC). Martın 19-da Almaniyanın Maqdeburq şəhərində Saxhsen-Anhalt Alman Azərbaycan Mədəniyyət Cəmiyyəti və Almaniyadakı Azərbaycanlıları Əlaqələndirmə Mərkəzinin təşəbbüsü ilə Ağdam rayonu Orta Qarvənd kənd sakini 9 yaşlı Fariz Bədəlovun Ermənistan silahlı qüvvələrinin snayperi tərəfindən qətlə yetirilməsi ilə bağlı etiraz aksiyası keçirilmişdir.
Diasporla İş üzrə Dövlət Komitəsindən AZƏRTAC-a bildirmişlər ki, Maqdeburq şəhərinin mərkəzindəki ALT Markt meydanında keçirilən aksiyada soydaşlarımız erməni millətçilərinin Azərbaycan xalqına qarşı törətdiyi vəhşiliklərə son qoyulması barədə şüarlar səsləndirmiş, təcavüzkar Ermənistanın Azərbaycan torpaqlarını işğal etməsi, 1994-cü ildən hökm sürən atəşkəs rejimini mütəmadi olaraq pozması nəticəsində dinc azərbaycanlı sakinlərin qətlə yetirildiyi barədə Almaniya ictimaiyyətini məlumatlandırmışlar.
Bölmənin digər xəbərləri
