Amur vilayətindəki filiz mədənində qəza baş verib, dağıntılar altında qalanlar var
Moskva, 18 mart, AZƏRTAC
Rusiyanın Amur vilayətində “Pioner” filiz mədənində qəza baş verib.
AZƏRTAC xəbər verir ki, bu barədə Rusiyanın operativ xidmət agentlikləri məlumat yayıb.
Bildirilib ki, dağ-hidrometallurgiya kombinatına məxsus mədəndə dağ uçqunu baş verib, 13 nəfərin dağıntıların altında olduğu güman edilir.
İlkin məlumata görə, həmin insanlar sağdır.
Baş verən hadisənin səbəbləri araşdırılır.
Fəridə Abdullayeva
AZƏRTAC-ın xüsusi müxbiri
Moskva
Bölmənin digər xəbərləri
