Ankarada da Xocalı soyqırımı qurbanlarının xatirəsi anılmışdır
Ankara, 26 fevral (AZƏRTAC). Ankaranın Keçiörən rayonunda Xocalı soyqırımının 19-cu ildönümü ilə bağlı anma mərasimi keçirilmişdir. Azərbaycanın Türkiyədəki səfiri Faiq Bağırov və Keçiörən bələdiyyəsinin sədri Mustafa Ak “Əbədi məşəl” kompleksinin önünə əklil qoymuşlar. Xocalı şəhidlərinin ruhuna dualar oxumnuşdur.
Mərasimdə Türkiyə Quru Qoşunları Hərb Məktəbinin kursantı Pərvin İbadov, səfir F.Bağırov, sədr Mustafa Ak, Milli Məclisin deputatı Elman Məmmədov XX əsrin ən dəhşətli cinayətlərindən olan Xocalı soyqırımının bütün türk dünyasının faciəsi olduğunu, bu cür qətliamların təkrar olunmaması üçün onları törədənlərin cəzalandırılmasının vacibliyini vurğulamışlar.
Mərasimdən sonra Xocalı şəhidlərinin ruhuna ehsan verilmişdir.
Oqtay Bayramov
AZƏRTAC-ın xüsusi müxbiri
Ankara
Bölmənin digər xəbərləri
