Argentinanın tanınmış klubunun baş məşqçisi vəfat edib
Bakı, 9 oktyabr, AZƏRTAC
Argentina futboluna böyük itki üz verib.
AZƏRTAC xəbər verir ki, “Boka Xuniors” klubunun baş məşqçisi Migel Anhel Russo 70 yaşında dünyasını dəyişib. Məlumatı klubun rəsmi saytı yayıb.
Mütəxəssis ötən ayın sonlarında səhhətində yaranan problemə görə xəstəxanaya yerləşdirilmişdi. Həkimlərin səyinə baxmayaraq, onun həyatını xilas etmək mümkün olmayıb.
Qeyd edək ki, Migel Anhel Russo futbolçu karyerasını “Estudiantes”də keçirib. O, 1989-cu ildə məşqçiliyə başlayıb, “Lanus”, “Veles Sarsfield”, “San Lorenso”, “Əl-Nəsr”, “Millonarios”, “Estudiantes” və “Boka Xuniors” kimi komandalarda baş məşqçi işləyib.
Bölmənin digər xəbərləri
