AVARÇƏKƏNLƏRİMİZ BEYNƏLXALQ TURNİRƏ HAZIRLIĞIN SON MƏRHƏLƏSİNƏ BAŞLADILAR
Bakı, 14 mart (AZƏRTAC). Akademik, kayak və kanoe qayıqlarında avarçəkmə üzrə Azərbaycan milli komandası martın 23-də startı veriləcək ikinci beynəlxalq “Prezident Kuboku” reqatasına hazırlıq məqsədilə Mingəçevirə yollanmışdır.
Azərbaycan Milli Avarçəkmə Federasiyasından bildirmişlər ki, “Kür” Təlim-Tədris Mərkəzində keçiriləcək toplanışa 27 idmançımız qatılmışdır.
Qeyd edək ki, Mingəçevirdə keçiriləcək II Beynəlxalq “Prezident Kuboku” reqatası 4 gün davam edəcək. Yarışın ilk 2 günündə akademik avarçəkənlər, martın 25-26-da isə kayak və kanoeçilər mübarizə aparacaqlar.
Bölmənin digər xəbərləri
