“AVRO-2016”-ya 30 gün qaldı
Bakı, 10 may, AZƏRTAC
Fransada keçiriləcək nəhəng futbol turniri - “AVRO-2016”-nın final mərhələsinin startına bir ay qalıb.
AZƏRTAC UEFA-nın rəsmi saytına istinadla xəbər verir ki, bu səbəbdən artıq bu gündən idman tədbirinin vaxtı geriyə hesablanacaq. Bir ay sonra- iyunun 10-u, cümə günü, dünya ulduzlarının iştirakı ilə Avropa çempionatının açılış mərasimi və ardından ilk qarşılaşması keçiriləcək.
Mötəbər futbol turnirində 24 yığma komanda çıxış edəcək. Onların arasında çempionatın debütantları - Albaniya, İslandiya, Şimalı İrlandiya, Slovakiya və Uels də təmsil olunacaqlar. “AVRO-2016”-nın oyunları Fransanın 10 şəhərində - Paris , Lion, Marsel, Lill, Lans, Niçça, Bordo, Sent-Etyen, Tuluzada keçiriləcək.
Bölmənin digər xəbərləri
