“Avro-2020”nin Moskvadakı fan-zonası bağlanacaq
Bakı, 18 iyun, AZƏRTAC
Koronavirus pandemiyası ilə əlaqədar Moskvada müəyyən məhdudiyyətlər tətbiq olunacaq. Belə ki, “Avro-2020”nin “Lujniki” stadionunda fəaliyyət göstərən fan-zonası bağlanacaq.
AZƏRTAC xəbər verir ki, bu barədə Moskva meri Sergey Sobyanin məlumat verib.
Mer bu addımın insanların sanitar-epidemioloji qaydalara əməl etməməsi və sıx toplaşmalarının qarşısının alınması səbəbindən atılacağını bildirib.
Qeyd edək ki, “Avro-2020” ötən il təşkil olunmalı idi. Ancaq pandemiya səbəbindən bir il sonraya təxirə salınmışdı. Avropa çempionatına cari il iyunun 11-də start verilib və oyunlar qitənin bir neçə şəhərində, o cümlədən Bakıda təşkil olunur. Çempionata iyulun 11-də yekun vurulacaq.
Bölmənin digər xəbərləri
