Avropa çempionu: Qızıl medalı anama həsr edirəm
Bratislava, 4 sentyabr, Cavid Əliyev, AZƏRTAC
Qələbəni ailəmə həsr edirəm, əsasən də anama. Onun mənim üzərimdə əməyi çoxdur.
AZƏRTAC xəbər verir ki, bu sözləri Slovakiyanın paytaxt Bratislava şəhərində keçirilən cüdo üzrə gənclər arasında Avropa çempionatında qızıl medal qazanan Məhəmməd Musayev ( 66 kiloqram) deyib.
O, nəticəyə görə xoşbəxt olduğunu bildirib: "Daha əvvəl gənclər arasında Avropa çempionu olmuşdum. Amma bu titul bir başqadır. Final görüşü gərgin keçdi. Yalnız qələbə düşünürdüm. Qarşıda bizi Peruda təşkil olunacaq dünya çempionatı gözləyir. Orada da uğur əldə etmək istəyirəm".
Qeyd edək ki, Avropa çempionatına sentyabrın 7-də yekun vurulacaq.
Bölmənin digər xəbərləri
