AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ
Zəmanəmizin böyük dövlət və siyasi xadimi Heydər Əliyevin vəfatı xəbərini dərin kədər hissi və ürək ağrısı ilə qarşıladıq. Azərbaycan xalqının bütün nailiyyətləri, o cümlədən də müdrik milli siyasət onun adı ilə bağlıdır. Azərbaycanda yaşayan müxtəlif millətlərin və xalqların nümayəndələri bu siyasət sayəsində özlərini müstəqil dövlətin tam hüquqlu vətəndaşları hiss edirlər. Cənab Prezident, əminik ki, Siz unudulmaz atanızın suveren Azərbaycan Respublikasının çiçəklənməsinə və tərəqqisinə yönəldilmiş siyasi xəttini şərəflə davam etdirəcəksiniz.
Üz vermiş ağır itki ilə əlaqədar Dünya Dağ Yəhudiləri Konqresinin mərhumla vidalaşma mərasimində iştirak etmiş nümayəndə heyəti adından Sizə və ailənizə, bütün Azərbaycan xalqına dərin hüznlə başsağlığı veririk və Sizə bu çətin günlərdə səbir, dəyanət arzulayırıq.
Zati-aliləri, Sizə ən yüksək hörmət bəslədiyimizə əmin ola bilərsiniz.
Zaur Gilalov
Dünya Dağ Yəhudiləri Konqresinin
prezidenti
Moskva, 16 dekabr 2003-cü il.
Bölmənin digər xəbərləri
