AZƏRBAYCAN RESPUBLİKASININ PREZİDENTİ ZATİ-ALİLƏRİ CƏNAB İLHAM ƏLİYEVƏ

24.12.2003 [23:05]
Çap et
A⁺ A^-

Yeni Azərbaycan Partiyasının sədri, Prezident Heydər Əliyevin vəfatı barədə dəhşətli xəbər Primorye diyarında yaşayan azərbaycanlıların qəlbində böyük ağrı doğurdu. İnanmaq çətindir ki, o, aramızda, bu dünyada yoxdur. Biz azərbaycanlılar Heydər Əliyevimizin qarşısında baş əyirik. O, görkəmli İnsan, dünya miqyaslı güclü Siyasətçi, Azərbaycanın əsl Vətənpərvəri idi.

Biz fəxr edirik ki, Heydər Əliyev sarsıntılar və ağır sınaqlar dövründə öz xalqı ilə birlikdə olmuşdur. O, Cənubi Qafqazda müharibəni dayandırdı və bununla da minlərlə öz həmvətəninin həyatını qoruyub saxladı. Heydər Əliyevin azad Vətənimiz qarşısında xidmətləri böyükdür. Onlardan başlıcası Azərbaycanın müstəqilliyi, ölkənin daxilində sabitlik, dövlətin beynəlxalq aləmdə nüfuzudur.

Azərbaycanın hörmətli Prezidentinə - Heydər Əliyevin oğlu və varisi İlham Heydər oğlu Əliyevə, habelə onun doğmalarına və yaxınlarına dərin hüznlə və səmimiyyətlə başsağlığı veririk. İndi keçirdikləri çox böyük kədəri onlarla bölüşürük. Əziz Heydər Əliyevin nurlu xatirəsi qəlbimizdə həmişəlik yaşayacaqdır. Ruhu şad olsun, Allah rəhmət eləsin!

Tamara Volkova,

Ümumrusiya Azərbaycan Konqresinin

Primorye diyar regional şöbəsinin

təmsilçisi.

Vladivostok, 19 dekabr 2003-cü il.