AZƏRBAYCAN ŞAHMATÇILARI AVROPA ÇEMPİONATINDA UĞURLA İŞTİRAK EDİRLƏR
Bakı, 10 mart (AZƏRTAC). Şahmat üzrə kişilər arasında Avropa çempionatının 4-cü turu keçirilmişdir. Çernoqoriyanın Budva şəhərində keçirilən yarışda 6 Azərbaycan şahmatçısı iştirak edir.
Rauf Məmmədov bu turda İngiltərə təmsilçisi Peter K Vells üzərində qələbə qazanmışdır. Həmyerlilərimizdən Qədir Hüseynov italiyalı Miçele Qodenanı, Faiq Ələsgərov isə Dalibor Stojanovıçi ( Bosniya və Herseqovina) məğlub etmişdir. Vüqar Rəsulov İvan Sariçlə ( Xorvatiya ), Eltac Səfərli Vladimir Akopyanla ( Ermənistan ), Vasif Durarbəyli Bartlomiej Maçiyec ( Polşa ) ilə heç-heçə oynamışlar.
Dörd turdan sonra Rauf Məmmədov, Qədir Hüseynov 3 xal, Vüqar Rəsulov, Eltac Səfərli 2,5 xal, Vasif Durarbəyli və Faiq Ələsgərov 2 xal toplamışlar.
5-ci turda Qədir Hüseynov Vasiliy Yemelinlə ( Rusiya ), Rauf Məmmədov Peter Prohajkla ( Macarıstan ), Eltac Səfərli Laurent Fressinetlə ( Fransa ), Vüqar Rəsulov Dejan Pikula ilə ( Serbiya ), Faiq Ələsgərov Zoran Arsoviçlə ( Serbiya ), Vasif Durarbəyli Dmitriy Svetuşkinlə ( Moldova ) qarşılaşacaqlar.
Bölmənin digər xəbərləri
