Azərbaycanda yeni nəsil mandarin dilini bilən bələdçilərin hazırlanması üçün təlim proqramı reallaşdırılacaq
Bakı, 27 avqust, AZƏRTAC
Daha bir mühüm istiqamət isə tur bələdçilərinin hazırlanmasıdır. Bu ilin payızdan etibarən Konfutsi İnstitutu ilə əməkdaşlıq çərçivəsində yeni nəsil mandarin dilini bilən bələdçilərin hazırlanması üçün təlim proqramına start verəcəyik.
AZƏRTAC xəbər verir ki, bu barədə Azərbaycan Turizm Bürosunun Baş icraçı direktoru Florian Zenqstşmid Bakıda keçirilən “China Ready” proqramının təqdimatında deyib.
“Bu il ərzində Çində Azərbaycanın ilk rəsmi turizm ofisinin açılışı planlaşdırılır. Bu addım bizim Çindəki mövcudluğumuzu gücləndirəcək və “Destination Azerbaijan” mesajını daha da geniş auditoriyaya çatdıracaq”, - deyə Florian Zenqstşmid əlavə edib.
Qeyd edək ki, mandarin dili Çin dilinin ən çox danışılan ləhcəsidir. Çinin şimalında istifadə olunan bütün ləhcələr mandarin olaraq təsnif edilir. Mandarin dilinin adının mənasını "rəsmilərin dili"dir, çünki bu dilin mənbəyi Çin rəsmilərinin danışdığı ləhcədən gəlir.
Bölmənin digər xəbərləri
