Azərbaycanın basketbol üzrə “U-16” yığma komandası Həştərxanda ikinci yeri tutub
Bakı, 22 fevral, AZƏRTAC
Azərbaycanın basketbol üzrə “U-16” yığma komandası Həştərxanda keçirilən yeniyetmələr arasında Xəzər Liqasının birinci mərhələsində iştirak edib.
AZƏRTAC xəbər verir ki, “Atırau” klubuna (Qazaxıstan) məğlubiyyətdən sonra (77:79) komandamızın baş məşqçisi Samit Nuruzadənin yetirmələri Türkmənistan yığması (76:64) və Həştərxan təmsilçiləri (89:47) üzərində qələbələr qazanıblar.
Ümumiyyətlə, gənc komandamızın oyunçuları mərhələ boyu yaxşı oyun sərgiləyiblər. Xəzər Liqasının ilk mərhələsində Türkmənistan ilə oyunda komandamız çox yaxşı təsir bağışlayıb. Həştərxan komandası ilə qarşılaşmanın dördüncü hissəsində Samit Nuruzadə hesabda böyük fərqi nəzərə alaraq meydana ehtiyat heyəti buraxıb. Buna baxmayaraq, bu hissədə də basketbolçularımız həştərxanlı həmyaşıdlarını məğlub ediblər.
Bölmənin digər xəbərləri
