Azərbaycanın turizm potensialı Moskvada nümayiş olunacaqdır
Bakı, 17 mart (AZƏRTAC). Martın 19-dan 22-dək Rusiya Federasiyasının paytaxtı Moskva şəhərində keçiriləcək “MİTT-2014” beynəlxalq turizm sərgisində Azərbaycan da təmsil olunacaqdır.
Mədəniyyət və Turizm Nazirliyindən AZƏRTAC-a bildirmişlər ki, beynəlxalq sərgidə respublikamızın turizm imkanlarını əks etdirən 84 kvadratmetrlik pavilyon quraşdırılacaqdır. Sərginin ziyarətçilərinə və tədbirin iştirakçılarına paylanmaq üçün rus və ingilis dillərində müxtəlif növ reklam-çap məhsulları, eləcə də digər təbliğat materialları hazırlanmışdır.
Sərgidə Azərbaycanda fəaliyyət göstərən 18 turizm şirkətinin və otelin təmsilçiləri də iştirak edəcəklər.
Bölmənin digər xəbərləri
