Azərbaycanlı hakim İstanbulda Çempionlar Liqasının oyununu idarə edəcək
Bakı, 16 yanvar, AZƏRTAC
Avropa Voleybol Konfederasiyası (CEV) azərbaycanlı hakimə təyinat göndərib.
AZƏRTAC Azərbaycan Voleybol Federasiyasına istinadla xəbər verir ki, beynəlxalq dərəcəli hakim Eldar Zülfüqarov yanvarın 18-də Türkiyənin İstanbul şəhərində keçiriləcək qadın voleybolçular arasında Çempionlar Liqasının D qrupunun matçını idarə edəcək.
E.Zülfüqarov “Burhan Felek” voleybol salonunda baş tutacaq “Fənərbağça Opet” (Türkiyə) - “Allianz MTV Ştutqart” (Almaniya) klublarının qarşılaşmasında baş hakim olacaq. Oyunda ikinci hakim funksiyasını rumıniyalı Pol Katalin Şabo-Aleksi yerinə yetirəcək.
Bölmənin digər xəbərləri
