“AZƏRİ” MUĞAM QRUPUNUN ÇIXIŞLARI FRANSADA ALQIŞLARLA QARŞILANMIŞDIR

18.03.2004 [18:00]
Çap et
A⁺ A^-

AZƏRTAC-ın xüsusi müxbiri Parisdən xəbər verir ki, Fransanın qərb bölgəsinin sakinləri xalq artisti Alim Qasımovun və digər sənətçilərimizin sayəsində Azərbaycan musiqisinə, xüsusilə muğamlarımıza pərəstiş edir və onu sevirlər. Elə buna görə də bölgənin muğamsevərləri fransız musiqiçi, ud çalan Mark Loputin dəvəti ilə martın 11-15-də bu ölkədə qastrol səfərində olmuş “Azəri” muğam üçlüyünün çıxışlarını böyük sevinclə qarşılamışlar.

Qrup ölkənin ikinci ən böyük şəhəri Lionda və Ansida 4 konsert proqramı ilə çıxış etmişdir. Müğənni Sevinc Sarıyevanın ifasında səslənmiş “Xaric segahı”, “Humayun” muğamları, təsniflər və xalq mahnıları fransızlar tərəfindən yüksək qiymətləndirilmiş və dəfələrlə sürəkli alqışlara səbəb olmuşdur. Müğənnini kamançada Elşən Mansurov, tarda Ayaz İmranov, udda isə Mark Loputin müşayiət etmişdir.

“AZƏRİ” MUĞAM QRUPUNUN ÇIXIŞLARI FRANSADA ALQIŞLARLA QARŞILANMIŞDIR

MÜƏLLİFLƏ ƏLAQƏ

Bölmənin digər xəbərləri