“BAKI” LİDERLİYİ ÖZÜNƏ QAYTARDI
Bakı, 16 mart (AZƏRTAC). Futbol üzrə Azərbaycan Premyer Liqasında 18-ci turun oyunları başa çatmışdır. “Bakı” klubu “Karvan” üzərində 1:0 hesablı çətin qələbə qazanmaqla “İnter”in birgünlük liderliyinə son qoymuşdur. Hazırda “Bakı” 44 xalla turnir cədvəlinə başçılıq edir. “İnter” 43 xalla ikinci yerdədir.
“Neftçi” isə doğma meydançada autsayder “Turan”ın müqavimətini qıra bilməmişdir-1:1. Digər oyunlarda “Standard” “Bakılı”nı 2:0, “Muğan” isə “MOİK”i 3:1 hesabı ilə məğlubiyyətə uğratmışlar. “Qarabağ”- “Qəbələ” görüşündə qapılara qol vurulmamışdır - 0:0.
Xatırladaq ki, bir gün əvvəl keçirilmiş oyunlarda bu nəticələr qeydə alınmışdır: “İnter” - “Simurq” - 2:1, “Xəzər - Lənkəran” - “Olimpik”- 0:0.
Bölmənin digər xəbərləri
