Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi gözlənilir
Bakı, 24 dekabr (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamentindən AZƏRTAC-a verilən məlumata görə, dekabrın 25-də Bakıda və Abşeron yarımadasında hava şəraitinin dəyişkən buludlu, əsasən yağmursuz keçəcəyi, lakin gecə və səhər yarımadanın bəzi yerlərində zəif duman və çiskin olacağı ehtimal olunur. Cənub-qərb, qərb küləyinin əsəcəyi gözlənilir.
Havanın temperaturu gecə 8-11, gündüz 15-17 dərəcə təşkil edəcəkdir.
Azərbaycanın rayonlarında hava şəraitinin gün ərzində əksər rayonlarda əsasən yağmursuz keçəcəyi, gecə və səhər bəzi yerlərdə duman, ayrı-ayrı cənub-şərq rayonlarında çiskinli olacağı ehtimal olunur. Qərb küləyinin əsəcəyi, əsasən dağlıq rayonlarda arabir güclənəcəyi gözlənilir.
Havanın temperaturu gecə 1-6, gündüz 13-17 dərəcə, dağlarda gecə 2 dərəcə şaxtadan 3 dərəcəyədək isti, gündüz 10-15 dərəcə olacaqdır.
Bölmənin digər xəbərləri
