Beyləqanlılar Xocalı faciəsi qurbanlarının xatirəsini ehtiramla yad etmişlər
Beyləqan, 26 fevral (AZƏRTAC). Xocalı faciəsinin 19-cu ildönümü ilə bağlı Beyləqan rayonunun müəssisə və təşkilatlarında, təhsil müəssisələrində, əmək kollektivlərində konfranslar, disputlar, xatirə gecələri keçirilmiş, “Xocalı qan yaddaşı” fotosərgisi təşkil olunmuş, soyqırımı qurbanlarının xatirəsi anılmışdır.
Fevralın 25-də rayon mədəniyyət evində faciənin ildönümü ilə əlaqədar mərasim keçirilmişdir. Rayon icra hakimiyyəti başçısının müavini Raisə İsgəndərova tədbirdə çıxış edərək Azərbaycan xalqının qan yaddaşı olan Xocalı faciəsi, ermənilərin zaman-zaman xalqımıza qarşı törətdikləri vəhşiliklərdən danışmışdır. Çıxışlarda günahsız insanlara - uşaqlara, qadınlara, qocalara qarşı törədilmiş bu qırğın faktı bəşəriyyətə qarşı əsl soyqırımı kimi qiymətləndirilmişdir.
Tədbirdə soyqırımı qurbanlarının xatirəsinə həsr olunmuş ədəbi-bədii kompozisiya nümayiş etdirilmişdir.
Fevralın 26-da Beyləqan şəhərində “Azərbaycanlıların soyırımı” abidə kompleksi qarşısında ümumrayon anma mərasimi olmuşdur. Abidə kompleksinin önünə gül dəstələri düzülmüş, faciə qurbanlarının xatirəsi ehtiramla yad edilmiş, şəhidlərin ruhuna dualar oxunmuşdur.
Bölmənin digər xəbərləri
