Beynəlхalq Yer Günü ilə əlaqədar ETSN-in əməkdaşları məktəblilərlə görüşmüşlər
Bakı, 18 aprel (AZƏRTAC). Aprelin 22-si Beynəlхalq Yer Günüdür. Bu əlamətdar günün keçirilmə ənənələri ХIХ əsrin 40-cı illərinə təsadüf edir və hazırda 150-dək ölkədə, o cümlədən respublikamızda qeyd olunur.
Ekologiya və Təbii Sərvətlər Nazirliyi (ETSN) bununla əlaqədar həmişə olduğu kimi bu il də tədbirlər keçirir.
Nazirliyin mətbuat xidmətindən AZƏRTAC-a bildirmişlər ki, belə tədbirlərdən biri Yasamal rayonundakı 225 nömrəli orta məktəbdə baş tutmuşdur.
Görüşdə ETSN-in əməkdaşları məktəblilərə son illərdə ətraf mühitin mühafizəsi ilə bağlı görülmüş tədbirlər barədə məlumat vermiş və onların suallarını cavablandırmışlar.
Bölmənin digər xəbərləri
