Biləsuvarda Xocalı soyqırımı ilə əlqədar tədbirlər keçirilmişdir
Biləsuvar, 26 fevral (AZƏRTAC). Biləsuvar rayonunun təhsil, səhiyyə və mədəni-maarif müəssisələrində, idarə və təşkilatlarında Xocalı faciəsinin ildönümü ilə əlaqədar tədbirlər keçirilmişdir.
Rayonun bütün ümumtəhsil məktəblərində Xocalı faciəsinə həsr olunmuş anma mərasimləri keçirilmiş, məktəblilər faciə ilə bağlı ədəbi-bədii kompozisiyalar nümayiş etdirmişlər.
Fevralın 26-da bütün təhsil ocaqlarında ilk dərslər xalqımızın başına gətirilmiş qanlı olaya həsr olunmuşdur.
Rayon mərkəzi kitabxanasında Xocalı soyqırımına həsr edilmiş rəsm, foto, kitab, qəzet və jurnallardan ibarət sərgi açılmış, tarix- diyarşünaslıq muzeyində Xocalı faciəsini əks etdirən fotostend hazırlanmışdır.
Bölmənin digər xəbərləri
