BMT Baş Assambleyasının prezidenti Azərbaycana səfər edəcək
Bakı, 28 fevral, AZƏRTAC
Birləşmiş Millətlər Təşkilatının (BMT) Baş Assambleyasının 77-ci sessiyasının prezidenti Ksaba Korösi Qoşulmama Hərəkatının COVID-19-dan sonrakı bərpaya həsr olunmuş Sammitində çıxış etmək məqsədilə martın 2-də Azərbaycana rəsmi səfər edəcək.
BMT-nin Azərbaycan nümayəndəliyindən AZƏRTAC-a bildirilib ki, Qoşulmama Hərəkatının Sammitində çıxış edəcək Baş Assambleyasının prezidenti dünyanın COVID-19 pandemiyasının təsirlərini aradan qaldırdığı bir vaxtda elmə, innovasiyaya, texnologiyaya və rəqəmsallaşmaya əsaslanan yeni reallığa ehtiyacın olduğunu vurğulayacaq.
Ksaba Korösinin Prezident İlham Əliyev və xarici işlər naziri Ceyhun Bayramovla görüşləri gözlənilir.
Səfər martın 3-də başa çatacaq.
Bölmənin digər xəbərləri
