BMT-nin İnkişaf Proqramı Azərbaycanda ətraf mühitlə bağlı qrant müsabiqəsi elan edib
Bakı, 14 avqust (AZƏRTAC). BMT-nin İnkişaf Proqramı Avropa İttifaqının maliyyə dəstəyi əsasında həyata keçirilən “Qeyri hökumət təşkilatlarının potensialının inkişafı əsasında ekoloji idarəetmə sisteminin gücləndirilməsi” layihəsi çərçivəsində qrant müsabiqəsi elan edib.
BMT-nin İctimai İnformasiya Departamentinin Azərbaycandakı Ofisindən AZƏRTAC-a bildiriblər ki, layihənin icraçı qurumu kimi Birləşmiş Millətlər Təşkilatının İnkişaf Proqramı (BMT İP) çıxış edir. Layihənin əsas məqsədi ölkədə ətraf mühitin qorunması sahəsində fəaliyyət göstərən QHT-lərin potensialının artırılması hesabına ekoloji idarəetmə sistemini gücləndirməkdir.
QHT-lərin layihə təklifini təqdim etməsi üçün son tarix 19 sentyabr 2014-cü il müəyyənləşdirilib.
Bölmənin digər xəbərləri
