İQTİSADİYYAT
Bu ilin birinci yarısında dünyada “Fintex” sahəsində 52 milyard dollar investisiya edilib
Bakı, 6 sentyabr, AZƏRTAC
Cari ilin birinci yarısında dünyada “Fintex” sahəsində 52 milyard dollar məbləğində investisiya edilib.
AZƏRTAC xəbər verir ki, bu barədə Azərbaycan Fintex Assosiasiyasının İdarə Heyətinin sədri Ruslan Talıbov sentyabrın 6-da Bakıda keçirilən Azərbaycan-Türkiyə Fintex forumunda deyib.
Qeyd edib ki, hesabat dövründə 2154 sövdələşmə reallaşıb. Dünyada fintex sahəsində əhəmiyyətli məsələlərdən biri də onun gətirdiyi risklərdir. Bu riskləri nəzərə almaq üçün dünyada və regionumuzda addımlar atılır.
"Azərbaycan bazarı və bu bazarın timsalında MDB ölkələri bazarı Türkiyə fintexləri üçün kifayət qədər maraq kəsb edəcək. Azərbaycan bazarı Türkiyə fintexlərinə MDB ölkələri bazarlarına çıxış verəcək, eləcə də Azərbaycan fintexləri üçün Türkiyə bazarı xüsusi əhəmiyyət daşıyır", - deyə R.Talıbov qeyd edib.