“BUTA” XALQ KOLLEKTİVİ BEYNƏLXALQ FESTİVALIN LAUREATI OLMUŞDUR
AZƏRTAC Mədəniyyət və Turizm Nazirliyinin mətbuat xidmətinə istinadla xəbər verir ki, sentyabrın 6-dan 8-dək Qazaxıstan respublikasının Mangistau vilayətinin Aktau şəhərində “Xəzər dostluq dənizidir” devizi altında Xəzəryanı dövlətlərin xalq yaradıcılığı festivalı keçirilmişdir.
Festivalda Azərbaycanı Sumqayıtdakı Cəfər Cabbarlı adına Mədəniyyət evinin “Buta” xalq rəqs kollektivi təmsil etmişdir.
Münsiflər heyətinin rəyinə əsasən “Buta” xalq rəqs kollektivi festivalın laureatı adına layiq görülmüş, kollektivə diplom və qiymətli hədiyyələr təqdim edilmişdir.
Bölmənin digər xəbərləri
