Cəbrayıl sakini: Bizə bu xoş günləri yaşadan Prezidentimizə minnətdarıq
Bakı, 18 yanvar, AZƏRTAC
Yenidən bərpa olan doğma yurduma - Cəbrayıla qayıdıram. Qələbə qazanacağımıza daim inanırdıq. Bizə bu xoş günləri yaşadan Prezidentimizə minnətdarlığımı bildirirəm. Şəhidlərimizə Allahdan rəhmət, valideynlərinə səbir diləyirəm. Bu gün bizim doğma elimizə, obamıza qayıtmaq arzumuza qovuşduran onlardır.
Bu sözləri AZƏRTAC-a müsahibəsində Cəbrayıl şəhərinə köç edən keçmiş məcburi köçkün Aylanur Vəliyeva söyləyib.
O qeyd edib ki, 44 gün sürən hərbi əməliyyatlar nəticəsində Azərbaycan Ordusu Prezident, Ali Baş Komandan İlham Əliyev rəhbərliyi altında düşmənə layiqli cavab verdi. Son illər Şuşada, Cəbrayılda, Füzulidə, eləcə də digər rayonlarda həyata keçirilən bərpa-quruculuq tədbirləri hər kəsdə tükənməz qürur və məmnunluq hissi yaradır. Şükürlər olsun ki, bu gün biz sağ-salamat öz doğma elimizə, obamıza qayıdırıq. Arzu edirəm ki, bütün məcburi köçkünlər əziz yurdlarına qayıtsınlar. Allah Ali Baş Komandanımızı və ölkəmizi qorusun”, - deyə Cəbrayıl sakini əlavə edib.
Bölmənin digər xəbərləri
