Çaylarda suyun səviyyəsi ötən illə müqayisədə aşağıdır
Bakı, 30 aprel (AZƏRTAC). Ekologiya və Təbii Sərvətlər Nazirliyinin Milli Hidrometeorologiya Departamenti çayların mövcud vəziyyətini araşdırmışdır.
Nazirliyin mətbuat xidmətindən AZƏRTAC-a bildirmişlər ki, araşdırmaya görə, Böyük Qafqazın çaylarında sululuq ongünlük normanın 75-155, Kiçik Qafqazda 95-155, Lənkəran-Astarada 45-75, Naxçıvan Muxtar Respublikası çaylarında isə 35-40 faizini təşkil etmişdir. Kür çayının Qıraqkəsəmən məntəqəsində su sərfi saniyədə 474 kubmetr, Qanıx çayının Əyriçay məntəqəsində isə saniyədə 178 kubmetr olmuşdur.
Hazırda Kürün aşağı axınındakı Surra məntəqəsində suyun səviyyəsi 516, Şirvanda 425, Salyanda 368, Bankədə 279, Araz çayının Novruzlu məntəqəsində isə 234 santimerdir. Bu isə ötən ilin müvafiq dövrü ilə müqayisədə aşağı göstəricidir.
Bölmənin digər xəbərləri
