Çexiyada boks üzrə Usti-nad-Labem Qran-Prisi keçiriləcək
Bakı, 21 may, AZƏRTAC
Mayın 22-də Çexiyada boks üzrə Usti-nad-Labem Qran-Prisi start götürəcək.
Azərbaycan Boks Federasiyasından AZƏRTAC-a bildiriblər ki, dörd gün davam edəcək beynəlxalq turnirdə Azərbaycan yığması da mübarizə aparacaq.
Komandamızın baş məşqçisi Vaqif Şirinov Çexiyada dörd boksçumuzu sınaqdan keçirəcək. O, yeni çəki dərəcələri üzrə təşkil olunacaq yarışda Elvin Məmişzadə (52 kq), Sərxan Əliyev (63 kq), Lorenzo Sotomayor (69 kq) və Alfonso Dominqesə (81 kq) şans verəcək.
Bölmənin digər xəbərləri
