Çində kömür mədənində dağıntı altında qalan 7 nəfər ölüb
Pekin, 15 mart, AZƏRTAC
Çinin Şensi əyalətində kömür mədənində baş vermiş çökmə nəticəsində dağıntı altında qalan 7 nəfərin hamısının cəsədi tapılıb.
AZƏRTAC əyalətin səlahiyyətli qurumlarının açıqlamasına istinadla xəbər verir ki, Conyan rayonundakı mədəndən sonuncu meyit martın 15-də səhər saatlarında çıxarılıb. Bununla da axtarış işləri başa çatıb.
Qeyd edək ki, martın 11-də axşam saatlarında “Taoyuan Xinlong” kömür istehsalı korporasiyasına məxsus mədənin anbarında təmir işləri aparılarkən çökmə baş verib. Hadisə nəticəsində anbarın altından keçən su xəttinin partlaması axtarış-xilasetmə işlərinin xeyli vaxt aparmasına səbəb olub.
Şahin Cəfərov
AZƏRTAC-ın xüsusi müxbiri
Pekin
Bölmənin digər xəbərləri
